फिफा विश्वकप फुटबलमा आज राउण्ड १६ को अन्तिम २ खेल हुँदै

काठमाडौं । फिफा विश्वकप फुटबलमा आज राउण्ड १६ को अन्तिम दुईवटा खेल हुँदै छन् ।

आजको पहिलो खेलमा मोरक्को र स्पेन एजुकेसन सिटी स्टेडियममा हुने मोरक्को र स्पेनबीचको खेल नेपाली समय अनुसार राति ८ः४५ बजे भिड्दैछन् ।

दुबै टोली जित निकाल्दै क्वाटरफाइनलमा पुग्ने योजनामा रहेका छन् । मोरक्को समूह ‘एफ’ को विजेता र स्पेन समूह ‘ई’ को उपविजेता बनेको थियो ।

त्यस्तै, दोस्रो खेलमा पोर्चुगल र स्विट्जरल्यान्डबीच प्रतिस्पर्धा हुनेछ । प्रि(क्वाटरफाइनलको अन्तिम खेलको रुपमा रहेको यस खेल राति १२ः४५ बजे शुरु हुनेछ ।

लुसिल स्टेडियममा आज दुबै टोली पोर्चुगल र स्विट्जरल्यान्ड जित निकाल्दै अन्तिम आठमा पुग्ने योजनामा रहेको छ । पोर्चुगल समूह ‘एच’ को विजेता र स्विट्जरल्यान्ड समूह ‘जी’ को उपविजेता बन्दै नकआउट चरणमा पुगेका हुन् ।