जिन्दगीमा कहिल्यै भ्रष्टचार नगरेको कुरा चित्रगुप्ताको अगाडि पनि म जवाफ दिन सक्छुः प्रधानमन्त्री ओली

काठमाडौं । प्रधानमन्त्री केपी शर्मा ओलीले जिन्दगीमा कहिल्यै भ्रष्टचार नगरेको दाबी गर्नुभएको छ ।

मंगलबार सिंहदरबारमा बसेको राज्यव्यवस्था समितिको बैठकमा सांसदहरूले उठाएको प्रश्नको जवाफ दिँदै प्रधानमन्त्री ओलीले उक्त कुरा बताउनुभएको हो ।

उनले राज्यको सम्पति अपचलन गरेर आफ्नो बनाउन नौतिकताले पनि नदिँने भन्दै उनले भ्रष्टाचार नगर्ने र भ्रष्टाचार पनि नसहने दाबी गर्नुभएको हो ।

उहाँले भन्न्ुभयो , ‘यस समिति समक्ष म स्पष्ट पार्न चाहन्छु । मैले पहिले पनि जिन्दगीमा कहिल्यै भ्रष्टाचार गर्दिन, भ्रष्टाचार सहिन्न पनि । मेरो नजर बाहिरबाट भ्रष्टाचार हुनु बेग्लै कुरा हो । राजनीतिक रुपमा कुरा उठाउनु हिलो छ्याप्नु छुट्टै कुरा हो । म दावाकासाथ भन्छु । यो धर्तिको अदालतमा मात्र होइन चित्रगुप्ताको अगाडि पनि म जवाफ दिन सक्छु । मलाई धन आर्जन गर्नु छैन । राज्यको सम्पति अपचलन गरेर आफ्नो बनाउन मेरो नौतिकताले पनि दिँदैन ।’