फिदिम । तमुहरुको पर्व तमु ल्होसारको अवसरमा अन्तर वडा स्तरिय ‘प्रथम तमु ल्होसार खुल्ला पुरुष भलिवल प्रतियोगिता’ हुने भएको छ ।
श्री उर्गेन छेलिङ गुम्बा तथा युवा समूहको आयोजनामा आगामि पुस १३ गतेबाट १५ गते सम्म प्रतियोगिताका हुने भएको हो ।
याङवरक ३ स्थित श्री उर्गेन छेलिङ गुम्बाको प्राङगणमा प्रतियोगिता हुने खेल संयोजक जीवन गुरुङले जनाकारी दिनुभयो ।
प्रतियोगितको प्रथम पुरस्कार नगद पचास हजार एक रुपैँयासहित ट्रफि, मेडल र प्रमाणपत्र प्रदान गरिने छ । त्यस्तै दोस्रो हुनेले नगद २५ हजार रुपैँयासहित ट्रफि, मेडल र प्रमाणपत्र प्रीप्त गर्नेछ भने अन्य ६ वटा विद्यामा विद्यागत ट्रफि वितरण हुने संयोजक गुरुङले जानकारी दिनुभयो ।
प्रतियोगितका लागि १२ गते भित्र इन्ट्रि गरिसक्नुपर्ने गुरुङले बताउनुभयो ।
साथै १५ गते रात्रीकालिन सांस्कृतिक कार्यक्रमसमेत हुने आयोजकले जनाएको छ । सांस्कृतिक कार्यक्रम अन्तरगत नृत्य प्रतियोगिता हुने भएको छ ।
नृत्यमा पहिलो, दोस्रो र तेस्रो हुनेले क्रमसः आठ, पाँच र तीन हजार नगद पुरस्कार पाउने आयोजकले जनाएको छ ।
प्रतिक्रिया