फिदिम । पाँचथर जिल्लाको तुम्वेवा गाँउपालिका वडा नं. १ मा गठबन्धनका उमेद्वार नेकपा (माओवादी केन्द्र)का धनबहादुर कार्की विजयी हुनुभएको छ।
आज भएको मतगणनामा कार्कीले २७ मतान्तरले एमालेका निर्वतमान वडाध्यक्ष मोतिराज तामाङलाई पराजित गरेका गर्नुभएको हो । कार्कीले ५ सय ४५ मत प्राप्त गर्नुभएको छ भने निकटतम प्रतिद्वन्दी तामाङले ५ सय १८ मत प्राप्त गर्नुभयो ।
महिला सदस्यमा एमालेकी मनकुमारी तामाङ ५ सय ५ मत प्राप्त गरि विजय भएकी छन भने दलित महिला सदस्यमा माओवादी केन्द्रकी अनिता दमाईले ४ सय ९३ मत प्राप्त गरि विजय हुनुभएको छ ।
अन्य सदस्यमा एमालेका रुमा भन्डारीले ४ सय ३४ र सावित्रा सम्बाहाम्फेले ४ सय ७९ मत प्राप्त गरि विजयी हुनुभयो ।
५ वटा वडा रहेको तुम्बेवा गाँउपालिकाको वडा नम्बर १ मा १९ सय ११ मतदाता रहेकोमा ११ सय ४६ मत खसेको र १९ मत बदर भएको छ ।
अहिले वडा नम्बर २ को मत गणना जारी रहको निर्वाचन अधिकृतको कार्यालय तुम्वेवाले जनाएको छ ।
प्रतिक्रिया