काठमाडौं । नेकपा एमालेकी नेतृ तथा काठमाडौं महानगरकी उपमेयर उम्मेदवार सुनिता डंगोलको आज जन्मदिन परेको छ ।
उनी आजबाट २९ वर्ष पूरा गरि ३० वर्षमा प्रवेश गरेकी छन् । सुनिता डंगोलको जन्म सन् १९९३ मे १९ का दिन नेपालको राजधानी काठमाडौंमा भएको थियो । उनी नेवार समुदायकी हुन् ।
सुनिता डंगोलको शैक्षिक पृष्ठभूमि बलियो छ । उनी पढाइको प्रारम्भिक अवस्थादेखि नै ‘टपर’ विद्यार्थी हुन्। उनी २०६५ मा भएको एसएलसी परीक्षामा प्रथम श्रेणीमा उत्तीर्ण भइन् ।
त्यसपछि विज्ञान संकाय ं अध्ययनमा भर्ना भइन् । त्यसपछि उनले बायोटेक्नोलोजीमा स्नातक गरे। उनी हाल त्रिभुवन विश्वविद्यालयबाट समाजशास्त्रमा स्नातकोत्तर तहमा अध्ययनरत छिन् ।
मिस नेवा – २०११ समेत रहेकी उनले विभिन्न अवार्ड पनि जितेकी छन् । उनी हाल काठमाडौं महानगरको उपमेयरमा सर्वाधिक मत प्राप्त उम्मेदवारको रुपमा प्रस्तुत भइरहेकी छन् ।
प्रतिक्रिया