फिदिम । झापाको बिर्तामोडमा लागुऔषध ब्राउनसुगर सहित २ जना पक्राउ परेका छन्।
बिशेष सूचनाको आधारमा ईलाका प्रहरी कार्यालय अनारमुनीबाट खटिएको प्रहरी टोलीले उनिहरुलाई पक्राउ गरेको हो । पक्राउ पर्नेमा विर्तामोड नगरपालिका ५ का ४८ बर्षीय विजेन राजवंशी र फिदिम नगरपालिका ७ का २२ बर्षीय सुजन गुरुङ रहेको प्रहरी कार्यालय झापाले जनाएको छ ।
उनीहरुको साथबाट प्रहरीले १५ ग्राम ब्राउनसगुर, डिजिटल तराजु १ थान र नगद २ लाख ८४ हजार ७५० रुपैया समेत बरामद गरेको छ । लागुऔषध सहित पक्राउ परेका उनीहरुको सम्बन्धमा प्रहरीले थप अनुसन्धान गरिरहेको जनाइएको छ ।
प्रतिक्रिया