लागूऔषध सहित एक जना पक्राउ

झापा । झापाको मेचीनगर नगरपालिका–६बाट प्रतिबन्धित लागूऔषध ब्राउनसुगर सहित प्रहरीले एक जनालाई पक्राउ गरेको छ ।

हिँजो बेलुकी इलाका प्रहरी कार्यालय काँकरभिट्टा र लागूऔषध नियन्त्रण ब्यूरो काँकरभिट्टाबाट खटिएको प्रहरी टोलीले चेकजाँचका क्रममा इलामको चुलाचुली गाउँपालिका–४ का ३३ बर्षीय सत्य नारायण याख्खालाई १ ग्राम ८०० मिलिग्राम ब्राउन सुगर सहित पक्राउ गरेको हो ।

लागूऔषध सहित पक्राउ परेका याख्खाको इलाका प्रहरी कार्यालय काँकरभिट्टाबाट थप अनुसन्धान भइरहेको प्रदेश प्रहरी कार्यालय विराटनगरले जनाएको छ ।