राष्ट्रिय सभाबाट समेत नागरिकता विधेयक विनासंशोधन पारित गर्ने तयारी

काठमाडौं । राष्ट्रिय सभाको बैठक आज बस्दै छ । दिउँसो ३ बजे बस्ने बैठकमा नागरिकता विधेयक पारित गरियोस् भन्ने प्रस्ताव प्रस्तुत हुने संसद् सचिवालयले जनाएको छ ।

राष्ट्रपतिबाट पुनर्विचारका लागि फिर्ता भई प्रतिनिधि सभाबाट सन्देशसहित प्राप्त ‘नेपाल नागरिकता .पहिलो संशोधन) विधेयक, २०७९ सम्बन्धीत विधायन व्यवस्थापन समितिको प्रतिवेदनमाथि छलफल जारी रहने सम्भावित कार्यसूची छ ।

उक्त विधेयक आजै गृहमन्त्री बालकृष्ण खाणले पारित गरियोस् भन्ने प्रस्ताव प्रस्तुत गर्ने सचिवालयले जारी गरेको सम्भावित कार्यसूचीमा उल्लेख छ । राष्ट्रपतिले पुनर्विचार गर्न फिर्ता पठाएपछि यो विधेयकमाथि राष्ट्रिय सभामा थप छलफल हुने अनुमान गरिएपनि सत्ता गठबन्धनको बल मिच्याइमा विना संशोधन पारित गर्न लागिएको हो ।