काठमाडौं । श्रीलंकामा जारी साफ यू–१७ च्याम्पियनसिप फुटबलको फाइनल खेलमा आज नेपाल र भारत भिड्दै छन् ।कोलम्बोको रेस कोर्समा हुने नेपाल र भारतबीचको फाइनल खेल नेपाली समय अनुसार राति ८ः१५ बजे सुरु हुनेछ।
नेपाल च्याम्पियन बन्ने लक्ष्यमा मैदान उत्रने छ । नेपाल अपराजित रहदै उपाधि उचाल्न चाहन्छ । तर, नेपाली टोलीलाई उपाधि उचाल्न सहज हुने छैन । साविक विजेता भारत पनि नेपाललाई हराएर उपाधि चुम्न चाहन्छ ।
प्रतियोगिताको पहिलो सेमिफाइनलमा भारतले बंगलादेशलाई २(१ ले हराएको थियो । दोस्रो सेमिफाइनलमा नेपालले श्रीलंकालाई ६(० ले हराएको थियो ।
प्रतियोगितामा नेपाल अपराजित रहदै फाइनल पुगेको हो । भारतले भने समूह चरणमा एक हार व्यहोरेको थियो ।
नेपालले समूह चरणमा भारतलाई ३(१ गोल अन्तरले हराएको थियो ।
प्रतिक्रिया