पिकअपको ठक्करबाट वृद्धको मृत्यु

मोरङ । कोशी लोकमार्गअन्तर्गत मोरङको बुढीगंगा गाउँपालिका–३ मा सवारी दुर्घटना हुँदा एक जनाको मृत्यु भएको छ ।

मंगलवार साँझ ७ बजे प्रदेश १–०२–००२ च ४६९८ नम्बरको पिकअप भ्यानले बाटो क्रस गर्दै गरेका पैदल यात्री खेदीखोला गाउँपालिका–१ स्याङ्जाका ७० बर्षीय पदमबहादुर बस्नेत दिएको थियो । पिकअपको ठक्करबाट घाइते भएका बस्नेतको विराट मेडिकल कलेज गंगाचोकमा उपचारको क्रममा मृत्यु भएको थियो ।

दुर्घटनामा संलग्न भेन र चालक बिराटनगर महानगरपालिका–५ का २४ बर्षीय सन्तोष गुप्तालाई जिल्ला प्रहरी कार्यालय मोरङले नियन्त्रणमा लिई थप अनुसन्धान गरिरहेको प्रदेश प्रहरी कार्यालय विराटनगरले जनाएको छ ।