चोरीमा सम्लग्न तीन जना सामान सहित पक्राउ

मोरङ । मोरङको बुढीगंगा गाउँपालिका–६ बाट प्रहरीले चोरीमा सम्लग्न रहेका तीन जनालाई चोरी गरेका सामानसहित पक्राउ गरेको छ ।

भदौ १४ गते स्थानीय किशोर चौधरीको घरमा चोरी भएको भन्ने सूचना पाएसंगै जिल्ला प्रहरी कार्यालय मोरङबाट खटिएको प्रहरी टोलीले चोरी भएको सामान सहित २८ गते बिहान सम्लग्नहरुलाई पक्राउ गरेको हो । पक्राउ पर्नेमा बुढिगंगा गाउँपालिका–६ का २७ बर्षीय बुच्चे भनिने श्यामकुमार उराव, २६ बर्षीय तुलसी उराव र नवीन उराव रहेका छन् ।

उनीहरुको साथबाट प्रहरीले चौधरीको घरबाट चोरी भएका बिभिन्न किसिमका सुनका गरगहना बरामद गरेको छ । चोरीको आरोपमा पक्राउ परेका उनीहरुमाथि थप अनुसन्धान भइरहेको प्रदेश प्रहरी कार्यालय विराटनगरले जनाएको छ ।