पाँचथर । पाँचथरमा मोटरसाइकल चोरी गरी लैजाँदै गरेको आरोपमा प्रहरीले दुई युवकलाई पक्राउ गरेको छ ।
गत शनिवार मध्यराती फिदिम नगरपालिका–१ ठाडोलाइनका इन्द्रकुमार कुरुम्बाङको पल्सर मोटरसाइकल चोरी गरी लैजाँदै गरेको अवस्थामा गस्तीमा खटिएको टोलीलाई उनीहरुलाई पक्राउ गरेका हो ।
पक्राउ पर्नेमा जिल्लाको हिलिहाङ गाउँपालिका–४ का २१ वर्षीय सुशील योङहाङ र फिदिम नगरपालिका–१ का २० वर्षीय अविनाश राई रहेको जिल्ला प्रहरी कार्यालय पाँचथरले जनाएको छ ।
कुरुम्बाङको मे ८ प ६६० नम्बरको २२० सीसीको पल्सर मोटरसाइकलको तार काटेर चोरी गरी लैजाँदै गरेको अवस्थामा उनीहरुलाई फिदिम नगरपालिका–२ पल्लोटारबाट पक्राउ गरिएको प्रहरीले जनाएको छ ।
उनीहरुमाथि जिल्ला अदालत पाँचथरबाट सात दिनको म्याद लिई अनुसन्धान भइरहेको जिल्ला प्रहरी कार्यालय पाँचथरले जनाएको छ ।
प्रतिक्रिया