ताप्लेजुङमा एमालेका योगेश भट्टराई निर्वाचित

ताप्लेजुङ । ताप्लेजुङबाट नेकपा (एमाले)का योगेश भट्टराई प्रतिनिधिसभा सदस्यमा निर्वाचित हुनुभएको छ ।

गठबन्धनका तर्फबाट नेकपा माओवादी केन्द्रका खेलप्रसाद बुडाक्षेत्री (पराग) लाई २ सय ८ मतले पछि पार्दै भट्टराई निर्वाचित हुनुभएको हो ।

भट्टराईले २१ हजार ९४३ मत प्राप्त गर्नुभएको छ भने बुडाक्षेत्रीले २१ हजार ७३५ मत प्राप्त गरे ।

औपचारिक घोषणा भने भईसकेको छैन । बिहान सम्म १ हजार बढिले अग्रता लिनुभएका बुडाक्षेत्री फुङलिङ नगरपालिकाको मतगणना पछि क्रमस पछि पर्दै गएका थिए ।

भट्टराई अघिल्लो निर्वाचनमा समेत प्रतिनिधिसभा सदस्यमा निर्वाचित भएका थिए । ताप्लेजुङमा यस पटक कुल ८८ हजार २८५ मतदाता रहेकोमा आईतबार सम्पन्न निर्वाचनमा ४८ हजार ३५५ मत खसेको थियो ।