सवारी दुर्घटनाबाट एक जनाको मृत्यु

विर्तामोड । झापाको मेचीनगर नगरपालिका–१३ मा सवारी दुर्घटना हुँदा एक जनाको मृत्यु भएको छ ।

हिजो राती साढे ८ बजे ना. ८ ख ३३३६ नम्बरको ट्रकले मे. ७ प १७२७ नम्बरको मोटरसाइकललाई ठक्कर दिँदा मोटरसाइकलको पछाडी सवार रहेकी रोङ गाउपालिका–६ इलामकी २३ बर्षीया उषा राई घाइते भएकी थिइन् ।

राईलाई उपचारका लागि बीएण्डसी अस्पताल विर्तामोड पुर्‍याइएकामा उनको उपचारका क्रममा मृत्यु भएको हो । ठक्कर दिने ट्रक र ट्रक चालक पाँचथरको मिक्लाजुङ गाउँपालिकाका सुन्दरराज आङ्देम्बेलाई इलाका प्रहरी कार्यालय धुलाबारीले नियन्त्रणमा लिई घटनाका सम्बन्धमा थप अनुसन्धान गरिरहेको जिल्ला प्रहरी कार्यालय झापाले जनाएको छ ।