ट्रकको ठक्करबाट मोटरसाइकल चालकको मृत्यु

मोरङ । ट्रकको ठक्करबाट मोरङको सुन्दरहरैचा नगरपालिका–३ मा मोटरसाइकल चालकको मृत्यु भएको छ ।

हिजो बेलुका सवा ७ बजे प्रदेश नम्वर १–०२–००१ ख ९४३० नम्वरको ट्रकले को ३५ प ६७४८ नम्वरको मोटरसाइकललाई ठक्कर दिएको थियो । ठक्करबाट मोटरसाइकल चालक बुढीगँगा गाउँपालिका–७ मोरङका ३२ बर्षीय सुमित खवास गम्भीर घाइते भएका थिए ।

घाइते खवासलाई उपचारका लागि धरान स्थित बीपी कोइराला स्वास्थ्य विज्ञान प्रतिष्ठान लगिएकामा उनलाई चिकित्सकले मृत घोषित गरेका थिए । दुर्घटनामा संलग्न ट्रक र ट्रकका चालक झापा हल्दिबारी–२ का ३५ बर्षीय धिरेन राजबंशीलाई इलाका प्रहरी कार्यालय बेलबारीले नियन्त्रणमा लिई कानूनी कारबाहीको प्रकृया अघि बढाएको प्रदेश प्रहरी कार्यालय विराटनगरले जनाएको छ ।