झापामा गाँजा सहित २ जना पक्राउ

झापा । प्रहरीले झापाको गौरीगञ्ज गाउँपालिका–३ बाट लागूऔषध गाँजा सहित दुई जनालाई पक्राउ गरेको छ ।

पक्राउ पर्नेमा गौरादह नगरपालिका–८ का २४ बर्षीय बबि राजबंशी र गौरीगंज गाउँपालिका–३ का १९ बर्षीय संजिव रौनियार रहेका रहेका छन् । हिजो दिउँसो इलाका प्रहरी कार्यालय गौरीगञ्जबाट खटिएको प्रहरी टोलीले गौरीगञ्ज–३ स्थितबाट शंकास्पद अवस्थामा रहेका राजबंशीको साथबाट ७०० मिलिग्राम गाँजा बरामद गरेको थियो ।

राजबंशी पक्राउ परेसंगै सोधपुछको क्रममा गौरीगञ्ज–३ का रौनियारबाट खरिद गरी ल्याएको भनि खुल्न आएसंगै रौनियारको घरमा खानतलासी गर्दा १ किलोग्राम ९ सय २० ग्राम गाँजा बरामद भएको हो । गाँजा सहित पक्राउ परेका दुवै जनाको इलाका प्रहरी कार्यालय गौरीगञ्जबाट थप अनुसन्धान भइरहेको प्रदेश प्रहरी कार्यालय विराटनगरले जनाएको छ ।