सवारी दुर्घटनामा २ जनाको मृत्यु

बिराटनगर । सुनसरी जिल्लाका छुट्टाछुट्टै दुई स्थानमा सवारी दुर्घटनामा परी दुई जनाको मृत्यु भएको छ ।

हिँजो दिउँसो सुनसरीको हरीनगरा गाँउपालिका–१ को हुलाकी सडकमा को २५ प ८८०९ नम्बरको मोटरसाइकलले बाटो काट्दै गरेकी भारत अररियाका सुबोध मुखियाको ७ बर्षीया छोरी नैनाकुमारी मुखियालाई ठक्कर दिँदा घाइते भएकी थिइन् । मुखियाको उपचारका क्रममा गोल्डेन अस्पताल बिराटनगरमा मृत्यु भएको छ ।

यसैगरी रामधुनी नगरपालिका–७ भित्री सडक खण्ड को २ त ५५८१ नम्बरको ट्याक्टरबाट लडेर घाइते भएका रामधुनी–७ का १६ बर्षीय कृष्ण चौधरीको उपचारका क्रममा वीपी कोइराला स्वास्थ्य विज्ञान प्रतिष्ठान धरानमा मृत्यु भएको हो ।

दुर्घटनामा संलग्न रहेका मोटरसाइकल चालक हरीनगरा–२ का २१ बर्षीय सदाम अन्सारी र ट्याक्टर चालक रामधुनी–७ का ३५ बर्षीय लब चौधरीलाई प्रहरीले नियन्त्रणमा लिई घटना सम्बन्धमा थप अनुसन्धान गरिहेको प्रदेश प्रहरी कार्यालय विराटनगरले जनाएको छ ।