सवारी दुर्घटनामा २ जनाको मृत्यु

विराटनगर । मोरङका दुई स्थानमा सवारी दुर्घटना हुँदा २ जनाको मृत्यु भएको छ भने २ जना घाइते भएका छन् ।

हिजो बिहान सुन्दरहरैचा–५ को भित्री सडकमा प्रदेश १–०२–०४७ प २८२४ नम्बरको स्कुटर अनियन्त्रित भई दुर्घटना हुँदा घाइते भएका स्कुटर चालक सुन्दरहरैचा–५ का ५० बर्षीय चक्रबहादुर श्रेष्ठको बिराटनगरस्थित बिराट टिचिङ अस्पतालमा उपचारको क्रममा मृत्यु भएको हो छ ।

सोही दिन राती ११ बजे बिराटनगर–४ को राजमार्गमा प्रदेश १–०२–०४२ प ६०४९ नम्बर र लु १८ प ५४५६ नम्बरको मोटरसाइकल आपसमा ठक्कर खाई दुर्घटना हुदा घाइते भएका बिराटनगर–४ का २६ बर्षीय प्रकाश महतको उपचारको क्रममा नोवेल अस्पतालमा मृत्यु भएको हो । घाइते भएका बिराटनगर–५ का २४ बर्षीय अमन खान र अर्घाखाँची सन्धिखर्कका ४८ बर्षीय बिण्णु परियारको सोही अस्पतालमा उपचार भइरहेको प्रदेश प्रहरी कार्यालय विराटनगरले जनाएको छ ।