कोदालोले टाउकोमा प्रहार गरी श्रीमतीको हत्या

बागलुङ । बागलुङमा कोदालोले हानेर श्रीमानले श्रीमतीको हत्या गरेका छन् ।

जिल्लाको जैमिनी नगरपालिका–२ दमेकका ४५ वर्षीय केशव नेपालीले आफ्नी श्रीमती ३५ वर्षीया राधा नेपालीलाई बिहीबार दिउँसो बाउसो (कोदालो)ले हानेर हत्या गरेको जिल्ला प्रहरी कार्यालय बागलुङका प्रहरी नायव उपरीक्षक गंगाबहादुर थापाले बताउनुभयो ।नेपालीले बारीमा आलु खन्ने क्रममा बाउसोको पछाडिको भागले श्रीमतीको टाउकोमा प्रहार गरी गम्भीर घाइते बनाएका थिए ।

राधालाई बेहोस् अवस्थामा आफन्तले उपचारका लागि धौलागिरी अस्पताल बागलुङ बजारमा ल्याए पनि अस्पतालले मृत्त घोषणा गरेको प्रनाउ थापाले बताए। प्रहरीले केशवलाई बिहीबार नै नियन्त्रणमा लिएको छ। नेपालीलाई नियन्त्रणमा लिएर अनुसन्धान अगाडि बढाएको प्रनाउ थापाले बताए ।