प्रतिबन्धित औषधि सहित २ जना पक्राउ

बिराटनगर । कोशी प्रदेश प्रहरी कार्यालय बिराटनगर आरआईटी समूहबाट खटिएको प्रहरी टोलीले प्रतिबन्धित औषधि सहित दुई जनालाई पक्राउ गरेको छ ।

हिजो राती ११ बजे सुनसरीको धरान उपमहानगरपालिका–१६ नौलोबस्तीमा कालु शाहका छोरा २७ बर्षीय प्रभु शाह र २४ बर्षीय नारायण शाहलाई शंकास्पद अवस्थामा फेला पारी चेकजाँच गर्दा घरको पछाडी लुकाई छिपाई राखेको अवस्थामा प्रतिबन्धित औषधि tramol50 १२ हजार २०० क्याप्सुल र spaspin ५३० ट्याबलेट फेला पारी पक्राउ गरेको हो । प्रतिबन्धित औषधि सहित पक्राउ परेका उनीहरुमाथि इलाका प्रहरी कार्यालय धरानबाट थप अनुसन्धान भइरहेको प्रदेश प्रहरी कार्यालय विराटनगरले जनाएको छ ।