चिवाभञ्ज्याङ घुम्न आएका भारतीय पर्यटकको लडेर मृत्यु

फिदिम । नयाँ वर्षको अवसरमा नेपाल घुम्न आएका भारतको सिक्किमका एक ब्यक्तिको लडेर मृत्यु भएको छ ।

नेपाल–भारत सीमावर्ती क्षेत्र चिवाभञ्ज्याङ घुम्न आएका सिक्किमका ३४ वर्षीय केशव गुरुङको हिँजो बेलुकी अन्दाजी ८ः३० बजे लडेर मृत्यु भएको हो । घर फर्कने क्रममा याङवरक गाउँपालिका–१ मेवाखोलामा भीरबाट लडेर गुरुङको मृत्यु भएको जिल्ला प्रहरी कार्यालय पाँचथरले जनाएको छ ।

गुरुङ आफ्ना अन्य चार जना साथीहरु सहित चिवाभञ्ज्याङ घुम्न आएका थिए । घटनाबारे थप अनुसन्धानका लागि जिल्ला प्रहरी कार्यालयबाट प्रहरी टोली घटनास्थल पुगेको जिल्ला प्रहरी कार्यालय पाँचथरका प्रमुख प्रहरी नायव उपरीक्षक हरि खतिवडाले जानकारी दिनुभयो ।