कोशी प्रदेश सभाको बैठक बस्दै, आर्थिक विधेयक पेस हुने

विराटनगर । कोशी प्रदेशसभाको बैठक आज (शनिबार) बस्दैछ । बैठकमा कोशी प्रदेश विनियोजन अध्यादेश २०८० लाई प्रतिस्थापन गर्न बनेको विधेयक पेस हुने प्रदेश सभा सचिवालयले जनाएको छ ।

‘कोशी प्रदेश आर्थिक अध्यादेश २०८० लाई प्रतिस्थापन गर्न बनेको कोशी प्रदेश सरकारको अर्थसम्बन्धी प्रस्तावलाई कार्यान्वयन गर्न बनेको विधेयक २०८० र कोशी प्रदेश विनियोजन अध्यादेश २०८० लाई प्रतिस्थापन गर्न बनेको आर्थिक वर्ष २०८०-०८१ को सेवा र कार्यको लागि प्रदेश संचित कोषबाट केही रकम विनियोजन र खर्च गर्ने सम्बन्धमा व्यवस्था गर्न बनेको विधेयक २०८० लाई प्रस्ताव स्वरुप सभामा पेश हुने, सचिवायले कार्यसूचीमा उल्लेख गरेको छ ।