फिदिममा महिला मृत फेला

फिदिम । पाँचथरको फिदिममा एक महिला मृत अवस्थामा फेला परेकी छन् ।

फिदिम नगरपालिका–४ पुतली चोकमा आज विहान ६ः४५ बजे महिला मृत अवस्था फेला परेको जिल्ला प्रहरी कार्यालय पाँचथरले जनाएको छ । मृतक झापाको बुद्धशान्ति गाउँपालिका–७ का अभिषेक विककी श्रीमती इन्दिरा नेपाली रहेको प्रारम्भिक जानकारी प्राप्त भएको प्रहरीले जनाएको छ ।

मृतक नेपाली फिदिम नगरपालिका–२ पल्लोटारस्थित माइती घरमा बस्दै आएको खुल्न आएको प्रहरीको भनाई छ । घटनावारे थप अनुसन्धान भइरहेको र मृतकको शव शवपरीक्षणका लागि जिल्ला अस्पताल पाँचथरको शवगृहमा राखिएको जिल्ला प्रहरी कार्यालय पाँचथरका प्रहरी निरीक्षक सुमित कुशवाहले जानकारी दिनुभयो ।