पाँचथर–पाँचथरको कुम्मायक–१ यासोकका अमर लावती (गङ्गा)लाई लाओती सयङ प्रवास समिति दक्षिण कोरीयाले आर्थिक सहयोग गरेको छ । लाओती सयङ प्रवास समिति दक्षिण कोरीयामा संकलन भएको २२ हजार रुपैयाँ कृष्ण लाओतीको समन्वयमा पीडित लावतीलाई सहयोग गरिएको हो ।
विहिवार गाउँपालिका प्रवक्ता तथा वडाअध्यक्ष देबेन्द्रकुमार लावतीले २२ हजार रुपैयाँ लावतीलाई हस्तान्त्रण गर्नुभएको थियो । लावतीको सय दिने प्रधानमन्त्री रोजगार कार्यक्रममा सहभागी भएको समयमा भिरबाट लडेर खुट्टा भाचिएको थियो । आर्थिक अवस्था कमजोर भएका लावतीलाई गत असार ७ गते लाओती सयङ प्रवास समिति दक्षिण कोरीयाले १ लाख, पाँच हजार दुई सय रुपैयाँ सहयोग गरेको थियो ।
त्यस्तै कुम्मायक–१ नम्बर वडा कार्यालयले लावतीको घरमा लगाएको फुसको छानो हटाएको छ । घामपानी छेक्न नसक्ने फुसको छानो भएको भन्दै वडाले जस्तापाताको छाना लगाएको वडाअध्यक्ष देबेन्द्रकुमार लावतीले जानकारी दिनुभयो । सहयोग रकम हस्तान्तरण कार्यक्रममा पापोहाङ लाओती सयङ कुम्मायक अध्यक्ष तेजप्रकाश लाओती र समाजसेवी साइमन लाओती समेतको उपस्थिति रहेको थियो ।
प्रतिक्रिया