दुर्घटनामा एक जनाको मृत्यु

सुनसरी । सुनसरीको गढि गाउँपालिका–३ बैशीटोलको भित्री सडकमा सवारी दुर्घटना हुँदा एक जनाको मृत्यु भएको छ ।

आज बिहान सवा ८ बजे पूर्वबाट पश्चिमतर्फ जाँदै गरेको प्रदेश १–०२–००३ त १७५२ नम्बरको ट्याक्टरले सोही दिशातर्फ जाँदै गरेको को ३ प २५४५ नम्बरको मोटरसाइकललाई पछाडीबाट ठक्कर दिँदा मोटरसाइकल चालक सुनसरी बर्जु गाउँपालिका–६ का ५४ बर्षीय शिव नारायण चौधरीको घटनास्थलमानै मृत्यु भएको हो । घटनावारे इलाका प्रहरी कार्यालय दुहबीबाट प्रहरी टोली खटिई अनुसन्धान भइरहेको प्रदेश प्रहरी कार्यालय विराटनगरले जनाएको छ ।