हरिणको सिङ सहित एक जना पक्राउ

मोरङ । मोरङको बुढीगंगा गाँउपालिका–१ गोकुवा का ४६ बर्षीय संखर ऋषिदेवलाई हरिणको सिङ सहित प्रहरीले पक्राउ गरेको छ ।

बिशेष सूचनाका आधारमा हिजो राती १० बजे इलाका प्रहरी कार्यालय नेमुवाबाट खटिएको प्रहरी टोलीले ऋषिदेवको घरमा हरिणका दुई थान सिङ बरामद गरेको थियो ।

अवैध हरिणको सिंह बरामद भएपश्चात ऋषिदेवलाई पक्राउ गरी जिल्ला प्रहरी कार्यालय मोरङमा ल्याई थप अनुसन्धान भइरहेको प्रदेश प्रहरी कार्यालय विराटनगरले जनाएको छ ।