फिदिम । अविरल वर्षासँगै सडकमा पहिरो झरेपछि मेची राजमार्गको फिदिम–काबेली खण्ड अवरुद्ध बनेको छ ।
मेची राजमार्गअन्तर्गत हिलिहाङ गाउँपालिका–२ अमरपुरमा गएराती सडकभन्दा करीब ३० मिटर माथिबाट ढुङ्गा सहितको पहिरो सडकमा झरेपछि सडक अवरुद्ध बनेको हो ।
सडक अवरुद्ध बनेपछि ताप्लेजुङबाट फिदिम हुँदै तराईसम्म झर्ने तथा फिदिमसहित विभिन्न स्थानबाट ताप्लेजुङतर्फ जाने सवारीका साधन बाटोमै रोखिएका छन् ।
सडक सुचारु गर्न पहिरो पन्छाउने कार्य सुरु भएको जिल्ला प्रहरी कार्यालय पाँचथरले जनाएको छ । पहिरोले अन्य क्षति नगरेपनि सडक पूर्ण रुपले अवरुद्ध बनाएको स्थानीयवासीले जनाएका छन् ।
प्रतिक्रिया