ताप्लेजुङमा मनी ट्रान्सफर लुटपाटमा संलग्न अर्का व्यक्ति पक्राउ

पाँचथर । प्रहरीले ताप्लेजुङको सदरमुकाम फुङलिङ बजारमा रहेको कञ्चन मनी ट्रान्सफर लुटपाटमा संलग्न अर्का व्यक्तिलाई पाँचथरबाट पक्राउ गरेको छ ।

आज मंगलबार बिहान पाँचथर र ताप्लेजुङ प्रहरकिो संयुक्त टोलिले मच्छिन्द्र लिम्बुलाई पक्राउ गरेपछि लुटपाटमा संलग्न भनिएका चारै जना पक्राउ परेको प्रहरीले जनाएको छ ।

ताप्लेजुङ प्रहरीले सोमबार मात्रै लुटपाटमा संलग्न तीनजनालाई सार्वजनिक गरेको थियो । जिल्ला प्रहरी कार्यालय ताप्लेजुङका डीएसपी कैलाश राईका अनुसार सोमबार सार्वजनिक गरिएकामा लुटपाटका मुख्य योजनाकार रहेका फुङलिङ–२ का २९ वर्षीय राजायेन्द्र पोर्तेल, झापाको शिवसतासी नगरपालिका–१ का चुनबहादुर सुनार र झापाकै अर्जुनधारा नगरपालिका १० का २५ वर्षीय मणिराज पोर्तेल रहेका छन् ।