धनकुटाको सिधुवा बजारमा आगलागी

धनकुटा । धनकुटाको छथर जोरपाटी गाउँपालिका वडा नं ६ सिधुवा बजारमा आगलागी भएको छ ।

आगलागी शुक्रबार बेलुका शुरु भएको थियो। आगलागी नियन्त्रण कार्यमा धनकुटा नगरपालिकाका साथै लालीगुराँस नगरपालिकाका दमकल मगाइएको छ ।

आगलागीबाट ४ घर जलेर पूरै क्षति भएको र बजारका अन्य घर जोखिममा रहेको छथर जोरपाटी वडा नं ६ का अध्यक्ष दिपक गुरुङले बताए । बस्तीको बीचमा आगलागी भएकाले आगो फैलिन नदिने गरी नियन्त्रणमा लिने प्रयास भइरहेको उनले बताए। आगलागीको कारण खुल्न सकेको छैन।