श्रीमानले चलाएको मोटरसाइकलबाट लडेर श्रीमतीको मृत्यु

सुनसरी । सुनसरीको बर्जु गाउँपालिका–२ मा सवारी दुर्घटनामा परी एक जनाको मृत्यु भएको छ ।

हिँजो राती साढे १ बजे को ७ प ५६५ नम्बरको मोटरसाइकलको पछाडी सवार रहेकी बर्जु गाउँपालिका–३ की ३६ बर्षीया चन्द्रकला देबी मोटरसाइकलबाट आफैँ लडेर घाइते भएकी थिइन् । घाइते देवीलाई मोटरसाइकल चालक उनका श्रीमान सैलेन्द्र रायले उपचारका लागि कोशी अस्पताल बिराटनगर लगेकोमा उनको उपचारका क्रममा मृत्यु भएको हो । मृत्युपछि सैलेन्द्रलाई प्रहरीले नियन्त्रणमा लिई अनुसन्धान गरिरहेको प्रदेश प्रहरी कार्यालय विराटनगरले जनाएको छ ।