आज पनि घट्यो सुनको मूल्य

काठमाण्डौ । नेपाली सुनचाँदीको मूल्य ओरालो लागेको छ । मंगलबार पनि सुनचाँदीको मूल्य घटेको थियो ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला ५ सय रुपैयाँले घटेर प्रतितोला ९१ हजार ८ सय रुपैयाँ कायम भएको हो ।

त्यसैगरी, तेजाबी सुन प्रतितोला ९१ हजार ३ सय रुपैयाँ कायम भएको छ । हिजो तेजबी सुनको मूल्य ९१ हजार ८ सय रुपैयाँ कायम भएको थियो ।

त्यस्तै, आज चाँदीको मूल्य आज ३० रुपैयाँले घटेर तोलाको १ हजार २ सय २५ रुपैयाँमा कारोबार भएको नेपाल सुनचाँदी व्यावसायी महासंघले जनाएको छ ।