फुङलिङको मेयरमा एमालेबाट प्याकुरेल नै उम्मेद्वार निश्चित

ताप्लेजुङ । नेकपा (एमाले)ले फुङलिङ नगरपालिका प्रमुखको उम्मेद्वार वर्तमान नगर प्रमुख छत्रपति प्याकुेरललाई नै बनाएको छ । फुङलिङ नगर कमिटीबाट जिल्ला कमिटी हुँदै प्रदेश कमिटीमा सिफारिस गरेका ४ जना मध्ये आज बसेको केन्द्रीय सचिवालयको बैठकले प्याकुरेललाई नै मेयरको उम्मेद्वार बनाउने निर्णय गरेको हो ।

प्रदेश कमिटीबाट केन्द्रीय कमिटीमा पुगेकामध्ये मैवाखोला गाउँपालिकाको अध्यक्षयमा राजन थक्लुङ तथा उपाध्यक्षमा कौशिला लिम्बू, सिदिङवा गाउँपालिकाको अध्यक्षमा मानबहादुर राई तथा उपाध्यक्षमा भूमिका गौतम, मिक्वाखोला गाउँपालिकाको अध्यक्षयमा दिवश लिम्बूले उम्मेद्वारी निश्चित भएको एमाले ताप्लेजुङले जनाएको छ ।

यस अघिपनि उनीहरुको नाम प्रदेश कमिटीले अनुमोदन गरेको चर्चा चलेको थियो । ताप्लेजुङका अन्य स्थानीय तहका प्रमुख, उपप्रमुख तथा वडा अध्यक्षहरु भने यसअघि नै टुङ्गो लागिसकेको छ ।