टर्की र सिरियामा भूकम्पमा ज्यान गुमाउनेको संख्या ३३ हजार नाघ्यो

काठमाडौं । टर्की र सिरियामा भूकम्पमा परे ज्यान गुमाउनेको संख्या ३३ हजार नाघेको छ । अन्तराष्ट्रिय सञ्चार माध्यमहरुले बताए अनुसार अझै कयौं बेपत्ता छन् ।

सन् १९३९ पछिकै शक्तिशाली मानिएको भूकम्पका कारण टर्कीको ८१ प्रान्तमध्ये १० प्रान्तमा भूकम्पबाट अत्यधिक क्षति पुगेको छ।

टर्कीको प्रकोप व्यवस्थापन प्राधिकरणका अनुसार विनाशकारी भूकम्पमा परी ज्यान गुमाउनेको संख्या टर्कीमा २९ हजार ६ सय ५ र सिरियामा ३ हजार ५ सय ७४ पुगेको छ।

१ लाख भन्दा बढी मानिस घाइते भएर विभिन्न अस्पातलमा उपचार गराईरहेका छन्।

दर्जनौं घाइतेको उद्धार कार्य जारी छ। एक सातासम्म पनि मानिसहरू भग्नावशेषमा पुरिएपछि मृतकको संख्या अझै बढ्न सक्ने समाचार संस्था एपीले जनाएको छ।