धरान । सुनसरीको धरानमा एक ब्यक्तिले आफैँले घाँटीमा खुकुरी प्रहार गरी आत्महत्या गरेका छन् ।
भोजपुरको सानोदुम्बा–५ घर भई धरान उपमहानगरपालिका–१३ बस्दै आएका ४१ बर्षीय रामबहादुर रम्तेलले आफैँले घाँटीमा खुकुरी प्रहार गरी आत्महत्या गरेका हुन् ।
विहीवार बेलुका रम्तेलले ७१ बर्षीय सासु नरमाया भुजेललाई अचानक टाउकोमा खुकुरी प्रहार गरी घाइते बनाएका थिए । त्यसपछि उनले आफैँले घाँटीमा खुकुरी प्रहार गरी आत्महत्या गरेका हुन् ।
इलाका प्रहरी कार्यालय धरानबाट प्रहरी टोली खटिई घाइते नरमायालाई उपचारका लागि वीपी कोइराला स्वास्थ्य विज्ञान प्रतिष्ठान पुर्याएको थियो । घटना र मृतकका सम्बन्धमा थप अनुसन्धान भइरहेको इलाका प्रहरी कार्यालय धरानले जनाएको छ ।
प्रतिक्रिया