यासोक । पाँचथरको कुम्मायक गाउँपालिका ४ नम्बर वडाको रानीगाउँमा संचालन भएको ऐतिहासिक चतुरे मेलाको अवसरमा भएको भलिवल प्रतियोगिताको च्याम्पियन मिक्लाजुङ गाउँपालिका–३ आरुबोटे बनेको छ । आयोजक रानीगाउँ युवा क्लवलाई हराउँदै आरुबोटेले उपाधि हात पारेको हो । पहिलो र दोस्रो सेटमा २५–१८, १५–१३ जीत निकाल्दै आरुबोटेले उपाधि कब्जा गरको हो ।
उपाधिसंगै आरुबोटेले नगद ५० हजार १५५ रुपैयाँ ट्रफी मेडल र प्रमाणपत्र हात पारेको छ । उपविजेता बनेको रानीगाउँ युवा क्लबले नगद ३० हजार १३५ रुपैयाँ सहित ट्रफी मेडल र प्रमाणपत्र प्राप्त गरेको थियो । प्रतियोगिताको बिजेता र उपविजेता टोलीलाई गाउँपालिका अध्यक्ष वंम प्रसाद लावती र वडाअध्यक्ष फगेन्द्रकुमार सम्बाहाम्फेले पुरस्कार बितरण गर्नुभएको थियो ।
साल कार्तिक २१ देखि २३ गतेसम्म सञ्चालन भएको प्रतियोगितामा पाँचथरको कुम्मायक, फाल्गुनन्द, मिक्लाजुङ, याङवरक र हिलिहाङ गाउँपालिका सहित १७ टीमको सहभागिता रहेको थियो । कार्यक्रममा कुम्मायक गाउँपालिका अध्यक्ष बमप्रसाद लावती प्रमुख अतिथि तथा वडा नं. ४ का वडाध्यक्ष फगेन्द्रकुमार सम्बाहाम्फे विशेष अतिथिका रूपमा उपस्थित रहनुभएको थियो । कार्यक्रमको अध्यक्षता रानीगाउँ युवा क्लबका अध्यक्ष खगेन्द्र (रिजवन) सम्बाहाम्फेले गर्नुभएको थियो ।
कुम्मायक गाउँपालिकामा हरेक वर्ष आयोजना हुँदै आएको चतुरे मेलामा यस वर्ष पनि विभिन्न सांस्कृतिक तथा खेलकुद कार्यक्रम सञ्चालन गरिएको थियो। मेलाले स्थानीय खेल प्रतिभाको पहिचान, खेलकुदको विकास र विभिन्न स्थानका खेलाडीबीच आपसी सम्बन्ध विस्तारमा योगदान पु¥याउने अपेक्षा राखिएको थियो ।
प्रतिक्रिया