सामूहिक बलात्कार आरोपमा दुई जना युवक पक्राउ

कैलाली । प्रहरीले कैलालीको धनगढीबाट बलात्कार आरोपमा दुई जना युवकलाई पक्राउ गरेको छ । कैलालीको धनगढी उपमहानगरपालिका १० मा १३ वर्षीया किशोरीमाथि सामूहिक बलात्कार गरेको आरोपमा स्थानीय १६ र १७ वर्षका दुई किशोरलाई पक्राउ गरेको हो ।

घटना १७ गते रातिको भए पनि प्रहरीमा ढिलो गरी उजुरी परेपछि उनीहरूलाई पक्राउ गरिएको जिल्ला प्रहरी कार्यालय कैलालीका प्रहरी नायव उपरीक्षक कुलदिप चन्दले बताए। बलात्कारको उजुरी प्रहरीमा हिजो मात्रै परेको थियो ।

मौखिक उजुरीका आधारमा उनीहरूलाई पक्राउ गरिएको प्रहरी नायव उपरीक्षक चन्दले बताए । उनीहरु विरुद्ध म्याद थप गरेर अनुसन्धान अघि बढाइएको प्रहरीले जनाएको छ ।