आगलागीमा जलेर २ बालबालिकाको मृत्यु

उदयपुर । उदयपुरको रौतामाई गाउँपालिका–८ पाखाटोलको एक घरमा आगलागी हुँदा दुई बालबालिकाको जलेर मृत्यु भएको छ ।

हिजो बेलुका सवा ५ बजे स्थानीय रामबहादुर मगरको ढुंगा माटोले बनेको दुई तले घरमा विद्युत सर्ट भई आगलागी भएको थियो । आगलागीमा परी मगरका ६ बर्षीया छोरी जस्मिन मगर र २ बर्षीया छोरा रोजन मगरको जलेर मृत्यु भएको हो ।

अभिभावक नभएको अबस्थामा घरमा आगलागी हुँदा घर भित्र रहेका दुई जना बालबालिका घरबाट बाहिर निस्कन नसक्दा जलेर मृत्यु भएको जिल्ला प्रहरी कार्यालय उदयपुरले जनाएको छ । आगलागीबाट घरमा रहेका अन्नपात, लत्ता कपडा, भाडावर्तन समेत जलेका छन् ।