पान्थर मिडिया प्रा.ली.
सूचना विभागमा दर्ता नं. : ३०४३/०७८/०७९
Office: फिदिम न.पा. - १ पाँचथर
Phone: +९७७ ०२४-५२०५५५
Admin: [email protected]
News: [email protected]

शिक्षामा प्रोत्साहन: कुम्मायकका २६८ विद्यार्थीलाई सामग्री, उत्कृष्ट ५ लाई सम्मान

चिन्तन खबर

पाँचथर । पाँचथरको कुम्मायक गाउँपालिकाका २६८ जना विद्यार्थी र कक्षा १२ को परिक्षामा उत्कृष्ट अंक ल्याउने ५ विद्यार्थीहरुलाई शैक्षिक सामाग्री सहित छात्रवृत्ति प्रदान गरिएको छ । गाउँपालिकाको सभाहलमा सम्पन्न भएको महागुरु फाल्गुनन्दको जन्मजयन्तीको स्मरणमा ३५ विद्यालयका २६८ विद्यार्थी र २०८३ को कक्षा १२ को परिक्षामा उत्कृष्ट अंक ल्याउने विद्यार्थीहरुलाई सम्मान गरिएको हो ।
राष्ट्रिय विभूति तथा समाज सुधारक महागुरु फाल्गुनन्द लिङ्देनको १४२ औँ जन्मजयन्ती कार्तिक २५ गते दशै विदाको दिन पुजाआजा मात्रै गरेको र मंसिर २ गते मात्रै विद्यार्थीलाई शैक्षिक सामाग्री वितरण कार्यक्रम राखिएको थियो ।
सोही अवसरमा २ सस्थागत र ३३ सामुदायिक विद्यालयका कक्षा ४ र ५ मा अध्यायनरत २६८ जना विद्यार्थीहरुलाई शैक्षिक सामाग्री वितरण गरिएको थियो ।
सोही कार्यक्रममा २०८३ को कक्षा १२ बाट उत्कृष्ट अंक ल्याउँदै उतिर्ण हुने ५ जना विद्यार्थीहरुलाई नगद सहित सम्मान पत्रले पुरस्कृत गरिएको थियो । पुरस्कृत हुनेहरुमा पृथ्वी मावि यासोकको प्राविधिक धार तर्फबाट ३ दशमलव ६५ जि.पि.ए ल्याउने तारा खड्का र ३ दशमलव ४८ जि.पि.ए.ल्याउँने कुम्मायक–५ का जेनिश खतिवडा र साधारण तर्फबाट ३ दशमलव ४३ जि.पि.ए ल्याउने कुम्मायक–१ का रबि लावतीलाई सम्मान पत्र सहित नगद ५ हजार रुपैयाँबाट सम्मान गरिएको थियो ।
त्यस्तै कुम्मायक–२ को सिद्ध सरस्वती मावि माङजाबुङबाट ३ दशमलव ४२ जि.पि.ए ल्याउने अन्जु सेर्मा र पृथ्वी मावि यासोकबाट ३ दशमलव ४२ जि.पि.ए ल्याउने कुम्मायक–३ की अनुसा चम्लागाई लाई सम्मान पत्र सहित नगद २ हजार ५ सयको दरले पुरस्कृत गरिएको छ । राष्ट्रिय विभूति महागुरु फाल्गुनन्द लिङ्देन शालिक संरक्षण तथा संवद्र्धन अक्षयकोषबाट विद्यार्थीहरुलाई शैक्षिक सामाग्री वितरण तथा पुरस्कृत गरिएको अध्यक्ष सुर्यविक्रम चेम्जोङले जानकारी दिनुभयो ।
शालिक संरक्षण तथा संवद्र्धन अक्षयकोषमा हालसम्म साँवा र व्याज रकम सहित नगद रु ४८ लाख ५० हजार रुपैयाँ जम्मा भएको अक्षयकोषका उपाध्यक्ष तथा कार्यवाहक अध्यक्ष देबेन्द्रकुमार लावतीले जानकारी दिनुभयो । शैक्षिक सामाग्री तथा पुरस्कार वितरण कार्यक्रममा गाउँपालिका अध्यक्ष वंम प्रसाद लावतीको प्रमुख आथित्यता र उपाध्यक्ष महेन्द्र खड्काको विषेस आथित्यतामा कार्यक्रम सम्पन्न भएको थियो ।