यासोक । पाँचथरको फाल्गुनन्द गाउँपालिका–६ र ७ नम्बर वडाको वासाँगुमा निर्माण गरिएको वासाँगु बजारमा वासाँङ स्तम्भ उद्घाटन गरिएको छ । सोमबार नेपाली कम्युनिष्ट पाटी कोशी प्रदेश संसदीय दलका नेता तथा पुर्वमन्त्री इन्द्रबहादुर आङ्बो मौसमले उद्घाटन गर्नुभएको हो । उहाँले ऐतिहासिक तथा स्थलको पहिचान जोगाउन बिभिन्न आकृति र स्तम्भ निर्माण गरी संरक्षण तथा प्रचारप्रसारमा जोड दिनुपर्ने बताउनुभयो । त्यस्तै सोही कार्यक्रमका बिशिष्ट अथिति फाल्गुनन्द गाउँपालिका अध्यक्ष वृर्जहाङ आङ्देम्बे र उपाध्यक्ष ठाकुरसिं नेम्वाङले स्तम्भको पर्दा खोलेर र बत्ति बालेर उद्घाटन गर्नुभएको थियो ।
फाल्गुनन्द ६ नम्बर वडा कार्यालयको १ लाख र स्थानीयहरुले देश विदेशबाट परिवारको नाममा रकम संकलन गरी ११ लाख ५३ हजार ५८४ रुपैयाँमा स्तम्भ निर्माण गरिएको हो । स्तम्भ निर्माणमा ११ लाख ५८४ रुपैयाँ संकलन भएकोमा खर्च १० लाख ६३ हजार ५९३ रुपैयाँ खर्च भएको वासाँङ स्तम्भ निर्माण उपभोक्ता समितिका चन्द्रकुमार कुरुम्बाङले जानकारी दिनुभयो ।
ऐतिहासिक पृष्ठभूमिका आधारमा वासाँगुमा वासाँङ स्तम्भ निर्माण गरिएको अनुसंन्धान संयोजक नन्द कुरुम्बाङले जानकारी दिनुभयो । परापूर्वकालमा तेह्रथुमको सिम्ले स्थीत पोक्लावाङमा एक जना सक्तिशाली पोक्ला युवा बिजुवा बस्ने गरेको, पछिउहाँ आफ्नो श्रीमती सहित हालको कुम्मायक–३ रानीगाउँको हाङ्ठुवातिर बस्न थालेको उल्लेख गरिएको छ ।
त्यहाँ बिजुवाबस्ने क्रममा अर्का बिजुवाले आफ्नो श्रीमती भगाएपछि जारलाई खेदै जाने क्रममा फाल्गुनन्दको वासाँगु स्थीत माथिल्लो कुम्मायक देवस्थलको दक्षिण भन्ञ्जायङमा पुग्दा भेटेर तान्त्रिक विद्याको प्रयोग गरी वासाँङले आफ्नो जारलाई दुई टुक्रा पारे । आफ्नो जारलाई वासाँङ बिजुवाको पगरीले काटेर मारेकाले त्यस स्थानलाई वासाँङ भन्दै सोही ऐतिहासिकताका आधारमा वासाँङ स्तम्भ निर्माण गरिएको हो । वासाँङ नाम अपभ्रंस हुदै हाल सो स्थानलाई वासाँगु पनि भन्न थालिएको स्थानीयले बताउने गरेका छन ।
प्रतिक्रिया