कटुवा पेस्तोल र लागूऔषध सहित एक जना पक्राउ

सुनसरी । सुनसरीको कोशी गाउँपालिका–२ बाट प्रहरीले कटुवा पेस्तोल र लागूऔषध सहित एक जनालाई पक्राउ गरेको छ । पक्राउ पर्नेमा इटहरी उपमहानगरपालिका–३ घर घर बताउने १९ बर्षीय रोहित राई रहेका छन ।

गोप्य सूचनाका आधारमा इलाका प्रहरी कार्यालय लौकहीबाट खटिएको प्रहरी टोलीले हिजो बिहान कोशी गाउँपालिका–२ मा राईलाई कटुवा पेस्तोल एक थान, गोलीको खोका एक थान, लागूऔषध डाइजापाम १० एम्पुल, नाइट्रोजन १० ट्यावलेट, लिजेसिक ३ एम्पुल, ट्रामाडोल ३३७५ थान सहित पक्राउ गरेको हो ।

कटुवा पेस्तोल र लागूऔषध सहित पक्राउ परेका राईलाई जिल्ला प्रहरी कार्यालय सुनसरीले अनुसन्धान अघि बढाएको प्रदेश प्रहरी कार्यालय विराटनगरले जनाएको छ ।