‘१० बुँदे सहमतिलाई लत्याएर माधव नेपालको सम्भवतः आफ्नो जीवनको सबैभन्दा ठूलो गल्ती’

काठमाडौं । नेकपा (एमाले)का स्थायी कमिटी सदस्य घनश्याम भुसालले १० बुँदे सहमतिलाई लत्याएर कमरेड माधव नेपालले सम्भवतः आफ्नो जीवनको सबैभन्दा ठूलो गल्ती गरेको दावी गर्नुभएको छ ।

सामाजिक सञ्जालमा स्टाटस लेख्दै उहाँले ढिलो वा चाँडो माधव नेपालले कठघरामा उभिएर यसको प्रायश्चित्त गर्नुपर्नेछ बताउनुभएको हो ।

भुसालको स्टाटस

क माधवको दोहोरो निती
आफ्नै प्रत्यक्ष निर्देशनमा भएको १० बुँदे सहमतिलाई लत्याएर कमरेड माधव नेपालले सम्भवतः आफ्नो जीवनको सबैभन्दा ठूलो गल्ती गरेका छन् । कमरेड ओलीले जारी गरेको ४० प्रतिशत सांसदले पार्टी विभाजन गर्न पाउने सम्बन्धी अध्यादेशको विरोध गर्नेमा कमरेड माधव नेपाल पनि अगाडि थिए । त्योभन्दा अझ घातक २० प्रतिशत सांसदले पार्टी विभाजन गर्न पाउने अध्यादेशका आधारमा कमरेड माधव नेपालले अर्को पार्टी खोलेर कम्युनिस्ट आन्दोलनको सेवा गरेका थिए भन्ने कुरा धरतीको कुनै पनि इजलासले भन्न सक्नेछैन । ढिलो वा चाँडो, कमरेड माधव नेपालले कठघरामा उभिएर यसको प्रायश्चित्त गर्नुपर्नेछ ।