क्रोएसिया पठाइदिन्छु भन्दै ठगी गर्ने व्यक्ति प्रहरीको फन्दामा

काठमाडौं । प्रहरीले क्रोएसिया पठाइदिन्छु भन्दै ठगी गरेको एक जनालाई पक्राउ गरेको छ । मोरङको विराटनगर महानगरपालिका–१६ घर भई हाल काठमाडौं महानगरपालिका–१० बानेश्वर बस्ने २६ वर्षीय उत्सव दाहाल लाई प्रहरीलाई पक्राउ गरेको हो । उनलाई बुधबार प्रहरीले पक्राउ गरेको हो ।

कृषि फर्ममा मासिक एक लाख रुपैयाँ सम्म तलब हुनेगरी काम लगाइदिन्छु भनी उनले पीडितबाट ६ लाख २४ हजार रूपैयाँ ठगी गरेको प्रहरीले जनाएको छ ।

दाहाललाई काठमाडौं उपत्यका अपराध अनुसन्धान कार्यालय मीनभवनबाट खटिएको प्रहरीले काठमाडौं महानगरपालिका–९ सिनामंगलबाट पक्राउ गरेको हो ।