११ जनामा कोराना संक्रमण

काठमाडौं । पछिल्लो समय कोरोना संक्रमण दर घटेको छ । वितेका २४ घण्टामा थप ११ जनामा संक्रमण पुष्टि भएको हो ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थप ६८ जना कोरोना संक्रमणमुक्त भएका छन् । योसँगै नेपालमा कोरोना संक्रमणमुक्त हुनेको संख्या ९ लाख ८७ हजार २ सय १४ रहेको छ ।

सरकारले पछिल्ला दिनहरुमा परीक्षण घटाएसँगै कोरोना संक्रमितको संख्यामा समेत कमि आएको हो ।

कोरोना संक्रमितको संख्यामा कमि आएसँगै सक्रिय संक्रमितको संख्यामा समेत कमि आएको छ ।

हाल नेपालमा सक्रिय कोरोना संक्रमितको संख्या ६ सय २८ रहेको छ । हालसम्म नेपालमा कोरोना संक्रमणको कारण मृत्यु हुनेको संख्या १२ हजार १८ रहेको छ । पछिल्लो २४ घण्टामा कोरोनाको कारण कसैको पनि मृत्यु भएको छैन ।