फिदिम । मोरङको बिराटनगर महानगरपालिका–१५ को १ नम्बर ढाटबाट प्रहरीले लागूऔषध ब्राउनसुगर सहित दुई जनालाई पक्राउ गरेको छ ।
लागूऔषध नियन्त्रण ब्यूरो बिराटनगरबाट खटिएको प्रहरी टोलीले आज बिहान साढे १० बजे भारतबाट नेपालतर्फ आउँदै गरेको को ३४ प २६३ नम्बरको मोटरसाइकल चेकजाँच गर्ने क्रममा मोटरसाइकलमा सवार ब्यक्तिहरुबाट ब्राउनसुगर बरामद गरेको थियो ।
मोटरसाइकलमा सवार बिराटनगर–१२ का सुहन लिम्बु र बेलबारी–११ का सिकुम योङहाङको साथबाट प्रहरीले २ ग्राम ९४ मिलिग्राम ब्राउनसुगर बरामद गरेको थियो । लागूऔषध फेला परेपछि उनीहरुलाई नियन्त्रणमा लिई इलाका प्रहरी कार्यालय रानीले थप अनुसन्धान गरिरहेको प्रदेश प्रहरी कार्यालय विराटनगरले जनाएको छ ।
प्रतिक्रिया