काठमाडौं । अखिल नेपाल फुटबल संघ (एन्फा) का प्रवक्ता सुरेश शाहले पदभार ग्रहण गर्नुभएको छ ।
एन्फाले आइतबारबाट प्रवक्ता शाहले पद सम्हालेको जनाएको छ । एन्फाका महसचिव किरण राईले शाहलाई नियुक्त पत्र प्रदान गर्नुभएको थियो ।
पाँचथरका शाहलाई एन्फाले बिहीबार प्रवक्ता नियुक्त गरेको थियो । एन्फाको दोस्रो कार्यसमिति बैठकले शाहलाई प्रवक्ता नियुक्त गरेको हो ।
एन्फा निर्वाचनमा पंकज बिक्रम नेम्वाङलाई सघाएका शाहलाई प्रवक्ताको जिम्मेवारी दिइएको हो । शाह पाँचथर जिल्ला फुटवल संघको पूर्वअध्यक्ष र फिदिम स्पोर्टिङ क्लबको संस्थापक अध्यक्ष समेत हुनुहुन्छ ।
प्रतिक्रिया