फिदिम । पाँचथरको मिक्लाजुङ गाउँपालिका वडा नं. ६ कन्याटारमा लागूऔषध दुर्व्यसनविरुद्धको सचेतनामुलक कार्यक्रम सम्पन्न भएको छ ।
लागूऔषध दुर्व्यसनविरुद्ध आमनागरिक, सरोकारवाला, शैक्षिक संस्था लगायतसँग साझेदारी गरी दुर्व्यसन रोकथाम एवं नियन्त्रण गर्ने उद्देश्यसहित एक दिने सचेतनामुलक कार्यक्रम सम्पन्न भएको हो । जनसेवा परिवार क्लब, खेलकुद समिति खान्द्रुङ र इलाका प्रहरी कार्यालय खान्द्रुङको संयुक्त संयोजन आयोजित कार्यक्रम कन्याटार स्थित सामुदायिक सभाहलमा सम्पन्न भएको हो ।
जिल्ला समन्वय समिति पाँचथरका सदस्य अमृतकुमार राईको प्रमुख आतिथ्यतामा सम्पन्न उक्त कार्यक्रममा स्थानीयवासी, शिक्षक तथा विद्यार्थीहरु सहित मिक्लाजुङ गाउँपालिकाका जनप्रतिनिधि, बिभिन्न स्थानीय संघ संस्थाका प्रतिनिधिहरु, स्थानीय युवाहरु लगायतको सहभागिता थियो ।
कार्यक्रममा इलाका प्रहरी कार्यालय खान्द्रुङले लागूऔषध दुर्व्यसन रोकथामका उपायहरु सहित लागूऔषध कारोबार तथा प्रयोग गर्दा हुने कानूनी सजायबारे जानकारी गराएको थियो ।
प्रतिक्रिया