ब्राउन सुगरसहित ३ जना पक्राउ

विराटनगर । प्रहरीले लागुऔषध सहित तीन जनालाई पक्राउ गरेको छ । मोरङको विराटनगर महानगरपालिका–१५ स्थितबाट १ जना र झापाको विर्तामोडबाट २ जनालाई ब्राउन सुगरसहित पक्राउ गरेको हो ।

विहीबार बेलुका लागुऔषध नियन्त्रण ब्युरो विराटनगरबाट खटिएको प्रहरी टोलीले बिराटनगर–१५ स्थितमा चेक जाँचको क्रममा को.३५ प २२६६ नम्बरको मोटरसाईकल चालक इटहरी–४ सुनसरीका २२ बर्षीय बिशाल भुजेलको साथबाट १ ग्राम ४८ मिलि ग्राम ब्राउन सुगर बरामद गरेको प्रहरीले जनाएको छ ।

त्यस्तै लागुऔषधको कारोवार भईरहेको भन्ने सूचनाको आधारमा लागुऔषध ब्युरो काकरभिट्टा र इलाका प्रहरी कार्यलय अनारमनिबाट खटिएको प्रहरी टोलीले बिर्तामोड–४ बस्ने ३८ बर्षीया सुगन्दा अन्सारी र उनको १७ बर्षीय छोरा अर्मान अन्सारीलाई घर भित्र प्लास्टिकमा प्याकिङ गरिरहेको अवस्थामा १ ग्राम ब्राउन सुगर सहित नियन्त्रणमा लिएको हो ।

प्रतिबन्धित लागुऔषध ब्राउन सुगर सहित पक्राउ परेका तीनै जनाको थप अनुसन्धान भईरहेको प्रहरीले जनाएको छ ।