टिफरको ठक्करबाट नाबालिकाको मृत्यु

मोरङ । मोरङको सुन्दरहरैचा नगरपालिका–१२ को भित्री सडकमा टिफरको ठक्करबाट बालिकाको मृत्यु भएको छ ।

मृत्यु हुनेमा सोही स्थान बस्ने अजित चौधरीकी छोरी डेढ बर्षीया अननिया चौधरी छन् । हिजो अपरान्ह ४ बजे दक्षिणबाट उत्तरतर्फ जाँदै गरेको को १ ख ६८२५ नम्बरको टिफरले ठक्कर दिँदा बालिकाको घटनास्थलमानै मृत्यु भएको थियो ।

टिफर र टिफर चालक मोरङ केराबारी गाँउपालिका–१० बस्ने ३५ बर्षीय राजकुमार लिम्बू इलाका प्रहरी कार्यालय बेलबारीको नियन्त्रणमा रहेको छ । घटना सम्बन्धमा थप अनुसन्धान भइरहेको प्रदेश प्रहरी कार्यालय विराटनगरले जनाएको छ ।