मोटरसाइकल दुर्घटना हुँदा चालकको मृत्यु

सोलुखुम्बु । सोलुखुम्बुको दुधकोशी गाउँपालिका–४ रमितेमा मोटरसाइकल दुर्घटना हुँदा चालकको मृत्यु भएको छ ।

मंगलवार दिउँसो सोलुखुम्बुको काकुँबाट बासातर्फ जाँदै गरेको बा. ४४ प २६१९ नम्बरको मोटरसाइकल अनियन्त्रित भई दुर्घटना हुँदा मोटरसाइकल चालक स्थानीय २१ बर्षीय हेम कुमार राई घाइते भएका थिए ।

उनलाई उपचारका लागि प्राथमिक अस्पताल खास्ताब पुर्‍याइएकामा उपचारका क्रममा उनको मृत्यु भएको हो । घटनाबारे थप अनुसन्धान भइरहेको जिल्ला प्रहरी कार्यालय सोलुखुम्बुले जनाएको छ ।