गाँजा विक्री गर्ने दुई जना पक्राउ

मोरङ । मोरङको पथरीशनिश्चरे नगरपालिका–६ बाट लागूऔषध गाँजा सहित २ जनालाई प्रहरीले पक्राउ गरेको छ ।

हिजो दिउँसो पथरीशनिश्चरे–६ का ३४ बर्षीय बज्रमोहन यादबले घरमा गाजा संचय तथा विक्रीबितरण गरिरहेका छन् भन्ने बिशेष सूचनाका आधारमा प्रहरी चौकी कुशेचौरी र अस्थायी प्रहरी चौकी हसन्दहबाट खटिएको प्रहरी टोलीले उनको घर कोठा खानतलासी गर्दा कोठाबाट ८ किलो ग्राम गाँजा बरामद गरेको हो ।

यस्तै प्रहरीले सोही स्थानका ४१ बर्षीय सुरेन यादबलाई ५०० ग्राम गाँजा सहित पक्राउ गरेको छ । गाँजा सहित पक्राउ परेका दुवै जनामागि इलाका प्रहरी कार्यालय पथरीबाट थप अनुसन्धान भइरहेको छ ।